Ito ay dahil sa panibagong bugso ng water service interruptions na magsisimula na ngayong araw.
Ayon kay Bayan Muna chairperson Neri Colmenares, maikalang beses na iginiit ng water concessionaires sa kanilang mga nagdaang rate rebasing periods na kailangan ang dagdag-singil.
Ito ay para sa bilyong pisong gagastusin sa paghahanap ng panibagong pagkukunan ng water supply.
“During their previous rate rebasing periods for so many years the water concessionaires justified their increases because of the billions of pesos they will spend in projects to find new sources of water supply,” ani Colmenares.
Giit ni Colmenares, taun-taong nagtaas ng singil pero walang nangyari at kulang pa rin ang suplay ng tubig.
Ayon pa kay Colmenares, dapat sumailalim sa audit ng Commission on Audit (COA) ang mga water concessionaires kung bakit hindi nagawa ang mga proyektong layong tiyakin ang suplay ng tubig.
Dapat umanong masilip ng COA ang mga dokumento at ipakita sa publiko kung magkano ang dapat maibalik.
Sinabi naman ng Metropolitan Waterworks and Sewerage System-Regulatory Office, (MWSS-RO), ang tanggapang nangangasiwa sa Metro Manila water concessionaires, pag-aaralan nila ang nais ng Bayan Muna.