Onset ng Amihan asahan na sa mga susunod na araw
Mararanasan na ang may kalamigang panahon sa bansa dahil magsisimula nang umihip ang northeast monsoon o Hanging Amihan sa mga susunod na araw.
Ayon kay weather specialist Ana Clauren, posibleng sa katapusan ng linggong ito o sa mga unang araw ng susunod na linggo ay magsisimula na ang pag-ihip ng Amihan.
Sinabi ni Clauren na ang malamig at tuyong hangin na mula sa Hilagang-Silangan ay magdadala ng malamig na temperatura sa Luzon lalo na sa umaga.
Kadalasang ang malamig na temperaturang dulot ng Amihan ay nararamdaman sa bansa hanggang Pebrero o Marso.
Asahan naman ang mahinang mga pag-ulan sa northern at eastern sections ng Luzon.
Samantala, sa Mindanao, inaasahan ang generally fair weather ngunit mapapadalas ang mga panandaliang pag-ulan, pagkulog at pagkidlat lalo na sa hapon o gabi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.