Pero nilinaw ng Toll Regulatory Board na magiging “provisional” lamang ang paniningil sa nasabing kalsada dahil ipatutupad ito sa unang 2.2 kilometers o sa first segment ng expressway.
Pinagamit ng libre sa mga motorista sa loob ng tatlong buwan ang nasabing kalsada na layong mabawasan ang mabigat na daloy ng trapiko sa Sales Interchange, South Luzon Expressway (SLEX) at West Service Road maging sa bahagi ng EDSA.
Ang provisional toll ay ang sumusunod :
P22 – Class 1 (cars)
P44 – Class 2 (minivans/buses)
P66 – Class 3 (large trucks/trailers)
Ang second segment ng expressway ay sisimulan sa Nobyembre at inaasahan namang makukumpleto ang 7.7 kilometers sa taong 2021.
Oras na makumpleto ang buong expressway ay maglalabas ng TRB ng final toll rate.