Granada natagpuan sa construction site sa Makati
By Rhommel Balasbas October 23, 2019 - 04:06 AM
Isang fragmentation hand grenade ang nakuha ng pulisya sa isang construction site sa Makati City, Martes ng hapon.
Ayon sa Makati City Police Station, nakatanggap sila ng tawag mula sa isang Eduardo Ormatam matapos matagpuan ang pampasabog sa construction site sa Lower Azucena St. sa Brgy. Pembo.
Agad na tinungo ng mga miyembro ng Explosive Ordnance Division ang lugar at nagsagawa ng Render Safe Procedure.
Kinuha ng pulisya ang granada at dinala sa headquarters para sa proper disposal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.