Malakas ang tiwala ng Philippine Amateur Baseball Association (PABA) na may laban ang baseball team ng bansa sa Southeast Asian Games na gaganapin na sa susunod na buwan.
Ayon kay PABA President Chito Loyzaga, magagaling ang binuong line-up na nagmula pa sa collegiate level na kayang dominahin ang sino mang makakalaban.
Aminado anya siya na magiging mahigpit na katunggali ng mga pambato ng Pilipinas ang mga koponan ng Indonesia at Thailand.
Pero pagtitiyak nito, gagawin nila ang lahat ng training para makuha ang gintong medalya sa sea games.
Sanabi pa nito na puspusan ang isinasagawang paghahanda ng buong koponan para sa SEA Games.
Huling naglaro ang Philippine baseball team sa SEA Games noong 2011 kung saan nag-uwi sila ng dalawang gintong medalya.