‘Maleficent: Mistress of Evil’ nangunguna sa US box office
Bagama’t hindi sinlakas ng sinundang pelikula noong 2014, nangunguna ngayon sa US box office ang “Maleficent: Mistress of Evil”.
Kumita ng $36 million dollars ang pelikula sa opening weekend sa 2,790 North American theaters.
Halos kalahati lang ang naturang kita ng inaugural weekend ng 2014 movie na umabot sa $69 million dollars.
Ang opening weekend ng “Maleficent: Mistress of Evil” ay ang lowest opening para sa isang Disney movie ngayong taon.
Mas mababa man ang opening sa inaasahan, pinataob ng “Maleficent: Mistress of Evil” ang mga kalaban tulad ng “Joker” ng Warner Bros.’ at “Zombieland: Double Tap” ng Sony.
Pinaniniwalaang ang mas malaking kita ng Maleficent sa box-office competition ay dahil bihira lang ang movie offering para sa younger female moviegoers.
Ang “Maleficent: Mistress of Evil” na binuo sa direksyon ni Joachim Ronning ay ginastusan ng $185 million.
Halos bawi naman na ito sa kinita sa overseas makaraan ang global opening sales na umabot sa $150 million.
Bukod kay Angelina Jolie nagbalik din para sa 2019 sequel si Elle Faning kasama ang mga bago sa serye na sina Michelle Pfeiffer, Ed Skrein at Chiwetel Ejiofor.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.