Bagyong Perla napanatili ang lakas habang papalapit sa Philippine Sea
Napanatili ng Tropical Storm Perla ang lakas nito habang mabagal na lumalapit sa Philippine Sea.
Sa Pagasa Severe Weather Bulletin No. 7 na inilabas alas 11:00 Biyernes ng gabi, ang bagyo ay nasa 775 kilometro Silangan ng Basco, Batanes.
Taglay nito ang lakas ng hangin na 75 kilometers per hour at bugsong 90 kilometers per hour.
Tinatahak ng Tropical Storm Perla ang direksyong Hilaga Hilaga-Kanluran ng bansa.
Ayon sa Pagasa, walang tropical cyclone wind signal na nakataas sa anumang bahagi ng bansa pero iiral ang northeasterly surface wind flow sa Extreme Northern Luzon.
Mapanganib ang paglalayag lalo na sa maliliit na sasakyang pandagat sa seaboards ng Northern Luzon.
Sa Martes ng gabi inaasahang lalabas ng Philippine Area of Responsibility (PAR) ang Bagyong Perla.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.