Environment official patay sa pananambang sa Leyte

Patay makaraang tambangan ang isang opisyal ng municipal environmental and natural resources sa Albuera, Leyte.

Naganap ang pananambang alas 6:50 ng umaga ng Biyernes, (Oct. 18) habang nasa labas ng kaniyang bahay ang biktima.

Sakay ang biktimang si Teofilo Granada, 51 anyos ng Toyota Hilux nang dumating ang mga suspek sakay ng motorsiklo at saka siya pinagbabaril.

Nagawa pang makatakbo ng biktima pero may dumating na isa pang motorsiklo at binaril muli siya ng sakay nito.

Ayon kay Capt. John Rey Layog, hepe ng Albuera Police Station, may nakuha silang mga dokumento mula kay Granada kung saan nagpapakita na may mga nasita itong indibidwal na sangkot sa illegal quarrying at illegal lumber business.