Bilang ng aftershocks matapos ang malakas na lindol sa Mindanao, umabot sa higit 300

Umabot sa mahigit 300 ang bilang ng naitalang aftershocks kasunod ng magnitude 6.3 na lindol sa North Cotabato.

Batay sa datos ng Phivolcs, nasa kabuuang 314 na aftershocks ang naramdaman sa Mindanao hanggang 3:00, Huwebes ng hapon (October 17).

Nasa magnitude 1.5 hanggang 5.5 ang naramdamang aftershocks sa rehiyon.

Samantala, umabot naman sa intensity 7 ang pinakamataas na naramdaman sa tatlong lugar.

Kabilang dito ang mga sumusunod:
– Tulunan, North Cotabato
– M’Lang, North Cotabato
– Kidapawan City.