Arestado ang dalawang drug suspects sa ikinasang buy-bust operation sa Tagbiliran City, Bohol Huwebes ng umaga.
Ayon sa Philippine Drug Enforcement Agency Regional office 7-Central Visayas, isinagawa ang operasyon sa bahagi ng Benting Street sa Ambassador Arcade bandang 10:00 ng umaga.
Nahuli sa operasyon ang mga suspek na sina Jofrals Napoles, 23-anyos, at Rolando Barbarona Jr., 20-anyos.
Nakumpiska sa dalawang ang dalawang pakete ng hinihinalang shabu na may bigat na mahigit-kumulang isang gramo, isang cell phone, isang tin foil at ginamit na buy-bust money.
Nagkakahalaga ng P6,800 ang nakuhang hinihinalang shabu sa mga suspek.
Mahaharap ang mga suspek sa kasong paglabag sa Sections 5 at 11 ng Article 2 ng Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.