Ninja cops pinasisibak na sa pwesto dahil inulit ang kanilang iligal na gawain
Ipinag-utos ni Philippine National Police (PNP) officer-in-charge Lt. Gen. Archie Gamboa ang pagsasagawa ng imbestigasyon sa panibagong maanomalyang buy-bust operation sa Antipolo city.
Sa Camp Crame, sinabi ni PNP spokesman Brig. Gen. Bernard Banac na nagbaba na ng direktiba si Gamboa para malaman kung saan ito na-delay at kung nakarating ang isinumiteng ulat ng Internal Affairs Service (IAS) sa opisina ng PNP chief.
Ayon kasi sa IAS, naganap ang drug raid sa Antipolo noong May 4 kung saan kabilang ang apat na pulis-Pampanga.
Kabilang dito ang mga sumusunod:
– Lt. Joven De Guzman
– Master Sgt. Donald Roque
– Master Sgt. Rommel Vital
– Cpl. Romeo Encarnacion Guerrero Jr.
Batay sa inilabas na resolusyon na may petsang October 10, inirekomenda ni IAS Inspector General Alfegar Triambulo ang pagdi-dismiss sa serbisyo ng apat na pulis.
Nakasaad sa resolusyon na guilty ang apat sa ilang bilang ng grave misconduct at less grave neglect of duty.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.