Konsehal ng SJDM, Bulacan inasunto sa Ombudsman makaraang makipagsabwatan sa mag-amang Robes na nameke ng attendance sa UP seminar
Matapos sampahan ng reklamong serious dishonesty sa Office of the Ombudsman ang mag-amang Richard Maurice Robes, konsehal ng Bulacan at anak nitong Brgy. Kagawad na si Richard Maurice III ay inasunto naman araw ng Huwebes, October 17, 2019 ang isa pang opisyal ng San Jose Del Monte City, Bulacan at Baranggay Kagawad na naging kasapakat umano ng mga Robes sa pandaraya.
Sa siyam na pahinang complaint affidavit na inihain ni Jason Cruz, residente ng SJDM sa tanggapan ng Ombudsman nakasaad na malinaw na naging kasabwat sina Konsehal Liezel Aguirre-Abat at Kagawad Vanessa Michelle Roquero ng mag-amang Robes para palabasin na ang batang Robes na si Richard Maurice Robes III ay si Councilor Richard Maurice Robes.
Layunin umano ng pagsisinungaling ng mga respondent para mapagkalooban ng sertipiko si Konsehal Robes mula sa Center for Local and Regional Governance (CLRG), sa ilalim ng UP Diliman National College of Public Administration and Governance kahit hindi naman talaga ito ang totoong dumalo sa naturang seminar.
Ang dalawa ay kapwa na haharap sa reklamong serious dishonesty, grave misconduct at conduct prejudicial to the best interest of the service.
Una nang isinampa ni Cruz ang kahalintulad na asunto sa Ombudsman laban sa mga Robes dahil sa paglabag ng mga ito sa section 3 ng civil service resolution(CSC) No.06-0538 na nagsasaad na sinumang opisyal o empleyado ng gobyerno ay pinagbabawalang mameke ng dokumento lalo pa kung ito ay may kinalaman sa pampublikong interes. Ang paglabag sa nasabing panuntunan ay maikukunsiderang serious dishonesty.
Una nang Ikinadismaya ng CLRG nang mapag-alaman nilang ang ipinadala ni Councilor Robes ay ang kanyang konsehal na anak sa seminar na may pamagat na Introduction to Excellence in Local Legislation (iExcelL) na ginanap noong Agosto 5 hanggang 9 ngayong taon.
“It is with great regret that our Center decided to withhold their Certificates of Completion given information that we received regarding the identity of the person who attended as Councilor Robes. On the last day of the course, it came to our attention that someone who identified himself as Councilor Robes, but was not Councilor Robes, was attending in his stead,” ayon kay CLRG Director Erwin Alampay.
Ikinadismaya din ng grupo na wala man lamang nagsabi kina Robes, Aguirre-Abat at Roquero sa center sa loob ng limang araw na seminar na may humalili kay Konsehal Robes.
Nalukungkot ang grupo sa naturang pangyayari.
Samantala, maging ang Presidential Anti-Corruption Commission o PACC ay naniniwalang may pananagutan sa batas ang mag-amang Robes sakaling mapatunayan ang alegasyon laban sa kanila.
Ayon kay PACC Commissioner, Atty. Manuelito Luna “ If true, then he should be probed by the appropriate disciplining authority or DILG for dishonesty or misconduct.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.