Ayon kay Niembra, sinubukan ng pangulo na paandarin ang motorsiklo Miyerkules (Oct. 17) ng gabi.
Nilinaw naman ni Niembra na hindi nahulog sa motorsiklo ang pangulo.
Isang 3-wheeled motorcycle kasi aniya ang ginamit ng pangulo at sumabit sa obstruction ang isang gulong nito habang palabas ng garage.
Hindi naman aniya mabilis ang andar ng motorsiklo dahil papalabas pa lamang kaya hindi naman bumagsak ang pangulo.
Unang sinabi ni Senator Bong Go na sakay si Duterte ng 650cc dirt bike nang mangyari ang aksidente at naitukod ng pangulo ang kaniyang siko.
Sinabi ni Go na 30 taon nang mahilig sa motorsiklo ang pangulo.