Magnitude 5.2 na lindol naitala sa Manay, Davao Oriental
Matapos ang magnitude 6.3 na lindol sa North Cotabato kagabi, isa na namang malakas na pagyanig ang tumama sa Mindanao.
Alas 4:53 ng umaga ngayong Huwebes, Oct. 17 naitala ang magnitude 5.2 na lindol sa Manay, Davao Oriental.
Ang epicenter nito ay sa 17 kilometers north east sa bayan ng Manay na may lalim na 108 kilometers ang pagyanig at tectonic ang origin.
Ayon sa Phivolcs naitala ang Intensity I sa General Santos City.
Naitala din ang Instrumental Intensities sa sumusunod na lugar:
Intensity III – Alabel, Sarangani
Intensity II – Tupi, South Cotabato; General Santos City
Intensity I – Kiamba, Sarangani
Sinabi ng Phivolcs na ang naturang lindol sa Manay, Davao Oriental ay panibagong pagyanig at hindi aftershock ng malakas na lindol sa North Cotabato.
Dahil may kalaliman ay hindi naman inaasahang magdudulot ito ng pinsala. (END.DD)
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.