Dating House Speaker Sonny Belmonte, itinalagang bagong special envoy
Binigyan ng bagong pwesto sa pamahalaan ni Pangulong Rodrigo Duterte si dating House Speaker Feleciano Sonny Belmonte.
Base sa listahan ng Presidential appointee na ipinalabas ng Malakanyang, itinalaga ni Pangulong Duterte si Belmonte bilang special envoy of the President to Japan for trade and market access.
October 15, 2019 lamang itinalaga ni Pangulong Duterte si Belmonte.
Samantala, inilabas na rin ng Palasyo ang appointment paper bilang ad interim secretary nina Secretary William Dar ng Department of Agriculture (DA) at Secretary Wendel Avisado ng Department of Budget and Management (DBM).
Itinalaga rin ng pangulo si Jaime Cruz bilang special envoy of the President to China for trade and investment.
Itinalaga rin ng pangulo si Joel Abutal bilang commodore ng Philippine Merchant Marine Academy.
Itinalaga rin ng pangulo si Golda Margareth Argel bilang miyembro ng board of directors ng UCPB General Insurance Company Incorporated at Pedro Miguel Santos bilang director ng Presidential Communications Operations Office (PCOO).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.