Ilang lalawigan sa Luzon, uulanin ngayong araw

Asahang makararanas pa rin ng pag-ulan ang Metro Manila at ilang lalawigan sa Luzon.

Sa thunderstorm advisory ng PAGASA bandang 2:26 ng hapon, moderate to heavy rain showers na may kasamang kidlat at malakas na hangin ang iiral sa Zambales, Pampanga, Laguna, Batangas, Rizal at Quezon.

Sinabi ng weather bureau na mararamdaman ang sama ng panahon sa susunod na dalawang oras.

Pinayuhan naman ang mga residente sa mga nasabing lugar na maging maingat sa posibleng pagbaha o pagguho ng lupa.