Higit P70k ng shabu nasabat sa buy-bust operation sa QC
Arestado ang tatlo katao kabilang ang isang menor de edad sa buy-bust operation sa Brgy. Payatas A, Quezon City, Martes ng gabi.
Ayon sa Batasan Police, nagkasa ng operasyon laban sa mga tulak ng droga sa nasabing baranggay na nakilalang sina alyas ‘Jayson’ at ‘Romnick’.
Nagsisilbi namang taga-abot ng shabu ang isang 15-anyos na binatilyo na kasama ng dalawa.
Target ng mga suspek ang mga tricycle drivers, construction workers at mga nangangalakal ng basura.
Nakumpiska mula sa mga suspek ang 11 plastic sachet ng shabu na tinatayang nagkakahalaga ng P70,000.
Pinabulaanan ng mga suspek na sa kanila ang nakuhang mga droga.
Sasampahan ang mga ito ng kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.