Año, nirerespeto ang pagbibitiw sa pwesto ni PNP chief Albayalde
Pinuri ni DILG Secretary Eduardo Año ang aniya’y “selfless act” sa pagbibitiw ni Philippine National Police (PNP) chief General Oscar Albayalde sa pwesto.
Ito ay para hindi na aniya madamay ang PNP sa kontrobersya ukol sa drug recycling o ninja cops.
Sa inilabas na pahayag, sinabi ni Año na nirerespeto niya ang desisyon ni Albayalde na maisailalim sa non-duty status hanggang sumapit ang pagreretiro sa November 8.
Inendorso aniya niya ang liham ni Albayalde, Linggo ng gabi, na tinanggap din aniya ni Pangulong Rodrigo Duterte.
Ayon pa sa kalihim, makatutulong ang naging hakbang ni Albayalde para maka-move on ang PNP at maipagpatuloy ang mandato na protektahan ang sambayanan.
Nagpasalamat din si Año kay Albayalde sa kaniyang dedikasyon sa pagbibigay-serbisyo bilang pinuno ng PNP.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.