Pagbibitiw sa pwesto ni Albayalde, hindi nagsisilbing “closure” sa isyu ukol sa ‘ninja cops’ – Hontiveros

Welcome kay Senadora Risa Hontiveros ang pagbibitiw sa pwesto ni Philippine National Police (PNP) chief General Oscar Albayalde.

Sa inilabas na pahayag, sinabi ni Hontiveros na angkop ang naging desisyon ni Albayalde na magbitiw sa pwesto dahil sa mga lumalabas na akusasyon laban sa kaniya.

Gayunman, hindi aniya ito nagsisilbing “closure” sa isyu ukol sa ‘ninja cops’ o drug recycling.

Ito ay isang importanteng hakbang aniya para malaman ang katotohanan at hustisiya sa kontrobersiya.

Umaasa rin ang senadora na makakatulong ang pagbibitiw ng PNP chief sa pwesto para malaman ang lahat ng responsable sa isyu at maibalik ang magandang reputasyon at imahe ng PNP.