Umano’y tulak ng droga, patay sa buy-bust operation sa Quezon
Dead-on-arrival nang itakbo sa ospital ang isang hinihinalang tulak ng droga matapos manlaban umano sa mga pulis sa ikinasang buy-bust operation sa Candelaria, Quezon Linggo ng gabi.
Batay sa ulat, sinabi ni Quezon police director Police Col. Audie Madrideo na sa halip na sumuko, hinablot ng suspek ang caliber 9mm na baril ng pulis na si Staff Sergeant Samuel Merluza sa bahagi ng Barangay Malabanban Sur bandang 8:00 ng gabi.
Nagpaputok umano ng baril ang suspek laban sa mga otoridad para makatakas.
Nagtamo ng minor injuries si Merluza.
Samantala, gumanti ng putok ng baril ang isa pang pulis dahilan para tamaan ang suspek.
Narekober sa suspek ang 14 na pakete ng shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.