Indian national patay sa pamamaril sa Lapu-Lapu City

Nasawi ang isang Indian national matapos pagbabarilin sa Barangay Basak, Lapu-Lapu City bago mag-alas-12:00 ng hapon ng Biyernes (October 11).

Kinilala ang biktima na si Gagan Deo Singh, 29-anyos at residente ng Sitio Abuno, Barangay Pajac sa nasabing lungsod.

Sakay si Singh ng kanyang motorsiklo ng pagbabarilin ng hindi pa tukoy na suspek sa Sitio Iba sa naturang barangay.

Walang ibang detalye sa pagkakakilanlan sa biktima na napag-alaman na nangungupahan lang sa isang apartment.

Iniimbestigahan pa ang motibo sa pamamaslang.