Pumaren balik sa pag-coach sa Adamson matapos maoperahan

Balik na sa pagko-coach si Franz Pumaren sa Adamson University ilang araw lamang matapos itong maoperahan.

Nais ni Pumaren na muling pamunuan ang Soaring Falcons sa pagsabak nito sa defending UAAP champion Ateneo.

Sumailalim si Pumaren sa surgery kung saan tinanggalan ito ng kidney stones pero bago bumalik sa trabaho ay binigyan naman ito ng go signal ng kanyang mga doktor.

Ayon kay Pumaren, ayaw niyang iwan ang koponan sa gitna ng laban.

Nasa laro ang Adamson nang sumakit ang tiyan ni Pumaren kaya isinugod ito sa ospital at agad na inoperahan.

Sinabi ni Pumaren na hanggang nakakalakad siya ay kasama siya ng Falcon sa kanilang mga practice at laban.