Boracay itinanghal na ‘Best island in Asia for 2019’

Nagbalik na sa mapa ang tanyag na tourist destination na Boracay matapos itong itanghal na “Best Island in Asia for 2019.”

Ang parangal ay matapos ang isinagawang rehabilitasyon sa isla kung saan isinara ito mula sa mga bisita sa loob ng anim na buwan.

Ayon sa international travel magazine na Conde’ Nast Traveler, ang Boracay ang Top Island in the World ngayong taon.

Nakuha ng Boracay ang 32^nd rank matapos itong piliin ng 600,000 na mga travelers sa buong mundo.

Noong 2016, kinilala na rin ng naturang magazine ang dalawa pang isla sa bansa.

Pasok sa Top 20 Best Islands in the World ang Palawan at Cebu.