2 patay, 1 sugatan sa magkahiwalay na insidente ng pamamaril sa Northern Samar
Patay ang dalawang katao habang sugatan ang isa pa sa magkahiwalay na insidente ng pamamaril sa Northern Samar, Martes (Oct. 8) ng gabi.
Nasawi si Chiquito Arandia, treasurer ng Barangay Gecboan ng bayan ng Silvino Lobos at kaniyang asawang si Ailyn matapos pagbabarilin sa Barangay Poblacion.
Dead on the spot si Ailyn habang si Chiquito ay idineklarang dead on arrival sa Northern Samar Provincial Hospital sa Catarman.
Samantala, sa bayan naman ng Lope De Vega, sugatan sa pananambang ang kapitan ng Barangay Gebunawan na si Joseph Pahimnayan.
Ilang minuto lamang ang pagitan ng dalawang insidente ng pamamaril.
Patuloy ang imbestigasyon ng pulisya sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.