LRT-2 mas mabuting isapribado na ayon kay Sen. Gatchalian

Hinihikayat ni Senator Sherwin Gatchalian ang LRT Authority (LRTA) na masusing pag-aralan ang posibilidad na maisapribado ang LRT Line 2.

Ang suhestiyon ni Gatchalian ay bunsod ng aberya sa operasyon ngayon ng LRT-2 na nagresulta sa pagpapatupad nito ng limitadong operasyon lamang.

Naniniwala ang senador na maiiwasan ang aberya kung private maintenance provider ang may hawak ng LRT-2.

Dagdag pa ni Gatchalian bukod sa pagbibigay ng libreng sakay dapat ay paghandaan na ng LRTA ang long tern viability ng linya at aniya ang solusyon ay ang privatization.