MMDA sinuspinde ang coding para sa Cainta-Quiapo buses

Suspendido ang number coding scheme sa mga public utility bus sa rutang Cainta-Quaipo simula ngayong Martes, October8.

Sa abiso ng Metropolitan Manila Development Authority (MMDA), ito ay para maasistihan ang mga pasaherong apektado ng pagkasira ng Light Rail Transit Line 2 (LRT-2).

Suspendido ang number coding scheme sa nasabing lugar habang patuloy pa ang pagsasaayos sa LRT-2.

Ayon sa MMDA, mananatili ang suspension hanggang sa makabalik sa normal ang full operation ng tren.