Uupakan ni Pangulong Rodrigo Duterte ang mga ninja cop na sangkot sa pag-rerecycle ng ilegal na droga sa bansa.
Sa talumpati ng pangulo sa meet and greet sa Filipino community sa Russia, sinabi nito na dapat nang maghanda ang mga ninja cop sa pag-uwi niya sa Pilipinas dahil tiyak na may kahihinatnan ang mga ito.
“Mayroon akong ninja [cop] ngayon pag-uwi ko talagang upakan ko itong mga p**** i**** pulis na ‘to. ay… ‘yang tawag nilang ninja. ‘yung talagang nagdo-droga ang mga g***. they are now — they are now or they were identified and well, tapos na ang congress nag-investigate,” pahayag ng pangulo.
“Eh, ang pulis under ni Año, DILG. Sabi ko kay Secretary Año, you investigate first because that is part of due process. ‘yung opisina ko kasi is not an investigating agency, it’s an office of the president. you look for ah,” dagdag ni Pangulong Duterte.
“Sabi ko, kayong mga investi — iyo ‘yan eh. pulis. dilg kasi pulis, jail, local governments, kanya ‘yan. sabi ko, “imbestigahin mo muna, bahala ka na. basta ako, galit talaga ako sa mga y*** na ‘yan,” ani Duterte.
Dumating na sa bansa si Pangulong Duterte matapos ang limang araw na official visit sa Russia.
Una rito, sinabi ng pangulo na mayroong dalawang police generals ang sangkot sa ilegal na droga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.