M3.2 na lindol naitala sa Surigao del Sur

Niyanig ng magnitude 3.2 na lindol ang bahagi ng Surigao del Sur ala-1:15 Sabado ng madaling araw.

Ayon sa Phivolcs, ang episentro ng lindol ay sa layong 55 kilometro Hilagang-Silangan ng Hinatuan.

May lalim ang pagyanig na 10 kilometro at tectonic ang pinagmulan.

Hindi naman ito nagdulot ng pinsala sa mga ari-arian at wala ring inaasahang aftershocks.