NCRPO magtatalaga ng 521 na tauhan sa loob ng Bilibid

Magtatalaga ng 521 na tauhan ang National Capital Region Police Office (NCRPO) sa loob ng New Bilibid Prison (NBP) sa Muntinlupa City.

Ito ay para makatulong kay Bureau of Corrections (BuCor) chief Gerald Bantag sa mga ipatutupad nitong reporma sa bilangguan.

Ayon kay NCRPO director Maj. Gen. Guillermo Eleazar, hiniling ni Bantag ang tulong ng NCRPO sa gagawing cleansing sa NBP.

Matapos ang pulong ng dalawang opisyal, sinabi ni Eleazar na 551 na tauhan ng NCRPO ang itatalaga sa Bilibid.

Magiging pansamantala lamang naman aniya ito habang sumasailaim sa retraining at evaluation ang ibang mga tauhan ng BuCor.

Sa ngayon ay mayroong 200 tauhan ng Philippine National Police – Special Action Force sa Bilibid.