Full operation ng LRT-2 posibleng 9 na buwan pa bago maibalik
Aabutin pa ng siyam na buwan bago maibalik ang full operation ng LRT line 2.
Ayon kay Atty. Hernando Carbrera, tagapagsalita ng LRT-Administration sa susunod na siyam na buwan ay mananatiling walang biyahe sa Santolan, Katipunan at Anonas stations.
Malaki aniya ang naging pinsala ng sunog sa kanilang rectifier substations at ang mga napinsalang bahagi nito ay imported o sa ibang bansa pa kailangang bilhin.
Paliwanag ni Cabrera, bagaman mayroong spare parts ay hindi nito kakayanin ang naging sira.
Samantala, sinabi ni Carbera na mananatiling suspendido ang full operations ngayong weekend.
Habang sa Lunes o kaya ay sa Martes, maari nang magkaroon ng partial operations ang kanilang mga tren.
Kung makababalik ng operasyon sa susunod na linggo ay Cubao hanggang Recto at pabalik lang ang magiging biyahe.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.