Si de Lima ay nahaharap sa kasong may kaugnayan sa ilegal na droga.
Sa Twitter, iginiit ni US senator Edward Markey mula sa Massachusetts na tama ang isinusulong nina Senators Richard Durbin at Patrick Leahy.
Si de Lima ay biktima aniya ng ‘very troubling partisan prosecution.’
Para patahimikin ang mga kritiko ng gobyerno sa Pilipinas, ipinakulong aniya si de Lima at hindi nabigyan ng pagkakataon para ipagtanggol ang kaniyang sarili.
Dahil dito, dapat lamang aniyang ipagpatuloy ng Estados Unidos ang paglaban para sa karapatang pantao at tamang pamamahala.
Proud din aniya siya sa pag-introduce ng Senate Resolution 142 para sa pagpapalaya kay de Lima.
Kasama ni Markey na naghain ng nasabing resolusyon sina Democrats Chris Coons, Dick Durbin, Republicans Marco Rubio at Marsha Blackburn.