Labi ni Kuya Germs, ililibing sa Enero 14
Nakatakdang ilibing ang showbiz icon na si German ‘Kuya Germs’ Moreno sa Loyola Memorial Park sa Marikina City sa Huwebes (January14).
Ayon kay John Nite, pamangkin ni Moreno, nakaburol si Kuya Germs sa Mount Carmel Shrine sa Quezon City hanggang sa Martes (January 12).
Dadalhin ang mga labi ni Moreno sa studio ng programa nitong ‘Walang Tulugan with the Master Showman’ sa Miyerkules (January 13).
Ang huling interment para kay Moreno ay sa naturang studio hanggang alas-nuebe ng umaga ng Huwebes bago tuluyang ilibing sa Loyola Memorial Park.
Namatay si Moreno dahil sa cardiac arrest noong nakaraang Biyernes, sa edad na 82.
Si Moreno ay kilala sa buong Pilipinas bilang host, aktor, comedian at talent manager na nakapagpasikat ng napakaraming artista.
Bago ang ‘Walang Tulugan with the Master Showman,’ itinaguyod ni Moreno ang That’s Entertainment, at nagkaroon din ang programa sa radyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.