Idinaan ni McCullough sa social media ang kanyang anunsyo na crush niya si Maine.
Kahit wala na sa Pilipinas ang player at nasa Korea na ngayon para doon ipagpatuloy ang kanyang basketball career ay tila naiwan nito ang kanyang puso dito sa bansa.
Si McCullough ang naging import ng San Miguel sa PBA Commissioner’s Cup.
Sa kanyang tweet ay makikita ang larawan ni maine na nasa isang radio guesting at nilagyan niya ito ng caption na “my crush.”
Sinabi pa ni McCullough na kung pwedeng may magparating kay Maine na hinahanap niya ang dalaga at nilagyan niya naman ito ng “kissing emoji.”
Aabangan ngayon ng mga netizens kung magkikita ba ang dalawa lalo na’t posibleng bumalik si McCullough sa PBA.
Katunayan ay nagboluntaryo ito na maging sunod na naturalized player ng Pilipinas.
