Paolo Ballesteros, naging si ‘Ms Colombia’
Viral ngayon sa social media ang ‘transformation’ ni Actor-Host Paolo Ballesteros bilang si controversial Miss Colombia Ariadna Gutierrez.
Sa kanyang Instagram account, pinost ni Ballesteros ang kanyang ‘makeup transformation’ na kopyang-kopya si Gutierrez, ilang linggo matapos ang mix-up sa Miss Universe 2015 coronation night noong December 21, 2015.
Matatandaang unang inanunsyo ng host na si Steve Harvey na si Miss Colombia ang Miss Universe 2015, pero ilang minuto ay binawi ito dahil ang totoong nanalo ay si Miss Philipines Pia Alonzo Wurtzbach.
Noong 2015, sumikat si Ballesteros hindi lamang sa Pilipinas kundi sa buong mundo dahil sa kanyang mga makeup transformations.
Kabilang sa kinopyang look ni Ballesteros ay sina Taylor Swift, Kim Kardashian, Julia Roberts at iba pa.
Dahil dito, napi-feature siya sa mga balita sa loob at labas ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.