Pamilya ni Mary Jane Veloso biyaheng Indonesia sa Lunes
Abala sa preparasyon para sa kanyang kaarawan bukas, araw ng Linggo ang mga kaanak ni Mary Jane Veloso sa lalawigan ng Nueva Ecija.
Sinabi ni Atty. Edre Olalia, secretary general ng National Union of People’s Lawyer (NUPL) na sa Lunes ay biyaheng Indonesia ng mga magulang ni Mary Jane kasama ang kanyang dalawang anak.
Si Veloso ay nahuli noong taong 2010 sa Indonesia habang ipinupuslit umano ang 2.6 kilogram ng Heroin.
Nauna nang inireport noong nakalipas na linggo ng Jakarta Post na nakatakdang bitayin sa mga susunod na araw ang labing-apat mula sa limampu’t limang mga drug convicts.
Umaasa naman ang mga kaanak ni Veloso na hindi siya kasama sa mga bibitayin lalo’t umusad na sa bansa ang kaso laban sa kanyang mga recruiter.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.