Mayor Isko susuriin ang infra projects na tatama sa mga pribadong ari-arian

Nangko si Mayor Isko Moreno na rerebyuhin ang mga infrastructure project ng pamahalaang lungsod ng Maynila na nakakaapekto sa mga pribadong ari-arian.

Sa isang dayalogo, humingi ng tulong ang ilang grupo kay Moreno dahil apektado na ang kanilang mga bahay at iba pang pribadong ari-arian ng dalawang mayor infrastructure project sa lungsod.

Ito ay ang North-South Railway Project ng Department of Transportation (DOTr) at NLEX-SLEX Connect Project ng Department of Public Works and Highways (DPWH).

Ani Moreno, kakausapin niya ang University of the Philippines (UP) para magsagawa ng restudy sa mga proyekto.

Tiniyak din ng alkalde sa mga residente na gagawa ng aksyon ang Manila City Council ukol sa kanilang hinaing kasama na ang pagsusumite ng formal position paper sa Office of the Vice Mayor.

Ilan sa mga dumalo ay Sampaloc People’s Alliance, Paco People’s Alliance, Tondo People’s Alliance at Samahan ng mga Apektadong Pamilya sa Balic-Balic.