Inamin ni Baguio City Mayor Benjamin Magalong na tumatanggap na siya ng maraming mga pagbabanta sa kanyang buhay mula nang isiwalat niya ang ilang impormasyon kaugnay sa “ninja cops”.
Inamin rin ng opisyal na dahil sa kanyang pagsasalita sa Senado na naibang bigla ang takbo ng kanilang pamumuhay dahil sa mga pagbabantang natatanggap.
Kahit na nag-iingat, aminado ang dating opisyal ng Philippine National Police na hindi maiwasan na mag-alala ang kanilang kampo sa kanilang seguridad.
Sinabi rin ni Magalong na nag-aalala rin siya sa seguridad ni Philippine Drug Enforcement Agency (PDEA) Director General Aaron Aquino pati na sa pamilya nito.
Bukas ay nakatakdang muling humarap sa pagdinig ng Senate Blue Ribbon committee sina Magalong at Aquino.