Patay ang higit 100 katao matapos ang malawakang pagbaha na dulot ng tatlong araw na walang tigil na pag-uulan sa Uttar Pradesh at Bihar sa India.
Ayon kay National disaster management chief SN Pradhan, 93 ang nasawi mula sa Uttar Pradesh at 29 naman ang nasawi sa Bihar simula noong Biyernes.
Libu-libo katao pa ang inililikas sa Patna, kabisera ng Bihar.
Hindi inaasahan ng government officials ang delubyo at sinabing ito ang pinakamalala sa loob ng ilang dekada.
Napilay ang railway system, vehicular movement at healthcare services, habang nawalan ng kuryente at sinuspinde ang mga pasok dahil sa pag-uulan.
Kinailangan pang ilipat sa ibang kulungan ang higit 500 bilanggo mula sa Ballia district jail matapos pasukin ng tubig ang kanilang pasilidad.
Maging si Deputy Chief Minister Sushil Modi at kanyang pamilya ay kinakilangang ilikas mula sa kanilang bahay.
Naganap ang malawakang pagbaha sa kabila ng inaasahang pagtatapos ng monsoon season sa India.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.