Anim na baboy sa Pangasinan hinihinalang may ASF

Isinailalim sa culling process ang anim na baboy sa Pangasinan na hinihinalang apektado ng African Swine Fever (ASF).

Ayon sa mga otoridad, nakuha ang mga baboy sa Barangay Guesang sa bayan ng Mapandan.

Nagmula ang mga baboy sa Barangay Baloling na dating isinailalim sa quarantine matapos masawi ang nasa 60 baboy sa Bulacan.

Lumabas pa sa ulat na 15 sa 30 kinuhang blood samples ay positibo sa nasabing sakit ng baboy.