6 na ospital, itinalaga para pagdalhan sa mga masusugatang deboto ng sa prusisyon ng Black Nazarene
May itinalagang anim na ospital na pagdadalhan sa mga masusugatan sa isasagawang traslacion sa Poong Nazareno sa Sabado.
Ayon kay Manila Police District Spokesperson Supt. Marissa Bruno, nakipag-ugnayan na sila sa anim, na ospital sa Maynila para paghandaan ang pagdating ng mga masusugatang deboto.
Kabilang dito ang Manila Doctors Hospital, Medical Center Manila, Philippine General Hospital, Ospital ng Maynila, San Lazaro Hospital at Andres Bonifacio Hospital.
Maliban sa anim na ospital na inihanda na para sa gagawing prusisyon na taunang dinadagsa ng mga deboto, maraming medical stations at ambulansya na itatalaga sa Sabado.
Ayon kay Bruno, 48 medical stations at 65 na mga stand-by ambulances ang inilatag ng mga otoridad sa halos 7 kilometrong ruta ng prusisyon ng Black Nazarene.
Karaniwang sanhi umano ng pagkasugat ng mga deboto ay kapag sila ay natatapakan dahil sa labis na siksikan, nadadaganan at nahihilo.
Sa mga nagdaang taon, hindi bababa sa 15 oras ang binubuno ng mga deboto ang pakikilahok sa nabanggit na prusisyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.