Mga nagparehistro umabot na sa 2.6 million ayon sa Comelec

Umabot na sa 2.6 million ang aplikasyon para sa voter registration na natanggap ng Commission on Elections (Comelec).

Ayon sa Comelec, as of Sept. 21 ay umabot na sa 2,645,446 ang naiproseso nilang aplikasyon.

Ang registration period ay nagsimula noong Aug. 1 at tatagal hanggang Sept. 30.

Sinabi ni Comelec Spokesperson James Jimenez, mayroon na lamang dalawang araw ang publiko para magparehistro.

Ito ay bukas Sept. 28 at sa Lunes, Sept. 30 na huling araw ng registration.

Inaasahan naman ang dagsa ng mga magpaparehistro sa huling dalawang araw.