DOH kinumpirmang diphtheria ang ikinasawi ng 10 taong gulang na bata sa Maynila
Kumpirmadong diphtheria nga ang ikinasawi ng isang 10 taong gulang na bata sa Maynila.
Ginawa ni Department of Health (DOH) Undersecretary Eric Domingo ang kumpirmasyon matapos mapaulat ang pagkasawi ng isang Grade 4 student ng Jacinto Zamora Elementary School.
Ang bata ay nilagnat, nakitaan ng rashes at singaw sa bibig noong September 13 at noong September 20 ay pumanaw ito.
Muli ay hinimok ni Domingo ang mga magulang na pabakunahan ang kanilang mga anak kontra sa nasabing sakit.
Mula January hanggang September ngayong taon, nakapagtala na ng 167 na kaso ng diphtheria kung saan mayroong 40 na nasawi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.