Cagwait, Surigao del Sur niyanig ng magnitude 4.5 na lindol

Niyanig ng magnitude 4.5 na lindol ang bayan ng Cagwait sa lalawigan ng Surigao del Sur.

Ayon sa Phivolcs, naitala ang pagyanig sa 75 kilometers southeast ng Cagwait alas 4:57 ng umaga ng Huwebes, Sept. 26.

Tectonic ang origin ng lindol at 5 kilometers lang ang lalim.

Hindi naman ito inaasahang magdudulot ng pinsala at aftershocks.

Samantala niyanig din ng magnitude 3.1 na lindol ang bayan ng General Luna sa Surigao del Norte.

Naitala ang pagyanig sa layong 7 kilometers southeast ng General Luna alas 4:54 ng umaga.