Bahagi ng Fisher Mall sa Quezon City nasunog

By Len Montaño, Rhommel Balasbas September 26, 2019 - 02:00 AM

Screengrab of Papapau – Jaenikay Daily YouTube page

(UPDATE) Sumiklab ang sunog sa receiving area ng Fisher Mall sa Quezon City, Miyerkules ng gabi.

Ayon kay Fire Sr. Insp. Joseph Del Mundo ng Bureau of Fire Protection (BFP) – Quezon City, nagsimula ang sunog bandang alas-11:30 ng gabi at agad itinaas sa ikatlong alarma alas-11:38 ng gabi.

Ang mabilis na pag-akyat sa ikatlong alarma sa sunog ay upang hindi na kumalat pa ang apoy sa katabing supermarket.

Idineklara naman itong fire under control alas-12:30 ng madaling araw at tuluyang naapula alas-12:41.

Tinitingnan umanong sanhi ng sunog ang pagpuputol ng bakal at pagwe-welding ng ilang construction workers.

Walang nasaktan sa sunog ngunit isang babaeng bumbero ang nahirapan huminga dahil sa kapal ng usok.

Nasa P100,000 ang halaga ng ari-ariang natupok ng apoy na karamihan umano ay kariton.

TAGS: BFP-NCR, bodega, bumbero, Fisher Mall, hinimatay, pumutok, quezon city, stretcher, sunog, supermarket, transformer, TxtFire Philippines, BFP-NCR, bodega, bumbero, Fisher Mall, hinimatay, pumutok, quezon city, stretcher, sunog, supermarket, transformer, TxtFire Philippines

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.