Maraming barangay sa Metro Manila at Cavite, 11 araw na mawawalan ng suplay ng tubig

Mayroong 11 araw na water service interruption ang Maynilad Water Services, Inc. sa mga costumer nila sa Las Pinas, Paranaque, Muntinlupa at sa Imus at Bacoor sa Cavite.

Ito ay mula September 27 hanggang October 7 dahil sa second phase ng ginagawang Putatan water treatment plant 2 project ng Maynilad sa Muntinlupa City.

Sa Facebook page ng Maynilad ibinahagi ang kumpletong listahan ng mga lugar na maaapektuhan at ang oras ng interruption.

Pinayuhan ng Maynilad ang mga residente na mag-ipon ng tubig na kanilang kailangan.

Mayroon namang 30 water tankers na ihahanda sakaling kailangang mag-rasyon ng tubig.