Nasamsam ng pulisya ang aabot sa P120,000 halaga ng hinihinalang marijuana sa buy-bust operation sa East Avenue cor. Elliptical Road, Brgy. Central, Quezon City.
Ayon kay Police Corporal Regino Sta. Ana III ng Kamuning Police Station (PS-10), bumili sila ng P10,000 halaga ng marijuana laban sa suspek na nakilala sa alyas na “Era”, estudyante, at kasamahan nitong nakilala sa alyas na ‘Sid’.
Matapos ang transaksyon, agad na inaresto ang mga suspek at nakuha sa mga ito ang aabot sa isang kilo ng hinihinalang marijuana.
Sasampahan ang mga suspek ng kasong paglabag sa Comprehensive Dangerous Drugs Act of 2002.
MOST READ
LATEST STORIES