Sa pahayag na ipinadala ni PNP spokesperson Brig. Gen. Bernard Banac sa media, sinabi nito na nagbigay ng direktiba ang PNP Chief sa Police Regional Office MIMAROPA (PRO-4B) para hanapin ang mga suspek at panagutin ang mga ito sa ilalim ng batas.
“PNP Chief, Gen. Oscar Albayalde has directed the PRO4B (Police Regional Office 4B) under PBGen Tomas Apolinario Jr. to immediately launch manhunt operations, expedite the investigation and make all perpetrators accountable before the law following the ambush incident that transpired at 7:45 a.m., at SRNH, Brgy. Pasi 2, Socorro, Oriental Mindoro,” ani Banac.
Magugunitang sugatan sa insidente sina Chief Master Sergeant Ivan Fortus, Senior Master Sergeant Irene Lazo at Corporal Ivy Carmona,habang ligtas naman sina Pinamalayan Municipal Police Station chief, Capt. Ruelito Magtibay at Patrolman Raquel Generoso.
Papunta lang sana ang mga biktima sa Calapan City para sa isang radio program.
Ayon sa Chairman ng Barangay Pasi 2 na si Danilo Caspe, bago ang ambush sa police mobile ay nakarinig pa sila ng malakas na pagsabog.