Taas-presyo ng ilang bilihin inilabas ng DTI

Inaprubahan ng Department of Trade in Industry (DTI) ang mahigit P1.00 na taas-presyo ng ilang bilihin.

Ito ay bunsod ng hiling na dagdag-presyo ng manufacturers ng mga de-lata, noodles, sardinas at ilang grocery items.

Ayon sa DTI, mula P0.35 hanggang P1.25 ang taas-presyo sa mga toyo, patis at ilang panimpla.

Sa 3-in-1 na kape, nasa P0.20 hanggang P1 ang taas-presyo at sa instant noodles ay may dagdag na P0.45

Nasa pagitan naman ng P0.30 at P1.50 ang dagdag sa presyo ng sardinas.

Ang hakbang ay matapos ang pagsusuri ng ahensya sa dahilan ng manufacturers para sa dagdag-presyo.