Tatlong pulis sugatan sa ambush sa Oriental Mindoro

By Dona Dominguez-Cargullo September 24, 2019 - 10:07 AM

Nasugatan ang tatlong pulis makaraang pasabugan at pagbabarilin ang sinasakyan nilang police mobile sa bayan ng Socorro sa Oriental Mindoro.

Patungo sana sa isang radio program sa lugar ang tatlong pulis na pawang tauhan ng Pinamalayan Police Station nang sila ay tambangan.

Ayon kay Lt. Col. Socrates Fataldo, tagapagsalita ng MIMAROPA Police Regional Office, lulan ng mobile patrol ang isang kapitan ng barangay at limang pulis.

Kasama sa sakay ng mobile patrol ang deputy chief of police ng Pinamalayan Police Station at kaniyang mga tauhan.

Bago pinaulanan ng bala ang mobile patrol ay nagkaroon muna ng malakas na pagsabog base na rin sa pahayag ng mga testigo.

Dinala sa Oriental Mindoro Provincial Hospital ang mga nasugatang pulis.

Inaalam pa kung sino ang nasa likod ng pananambang.

TAGS: ambush, mobile patrol, Pinamalayan Police Station, Socorro Oriental Mindoro, ambush, mobile patrol, Pinamalayan Police Station, Socorro Oriental Mindoro

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.