P300,000 inilaang pabuya ng Davao City Gov’t para sa 6 na suspek sa panggagahasa at pagpatay sa 4-anyos na bata

Nag-alok na ng P300,000 pabuya ang tanggapan ni Davao City Mayor Sara Duterte sa kung sino makapag-bibigay ng impormasyon sa anim na suspek sa panggagahasa at pagpatay sa apat na taong gulang na bata.

Ayon kay Davao City Police Office (DCPO) spokesperson Police Captain Nolan Tagsip, nasa P50,000 kada ulo ang pabuya ng alkalde.

Kinilala ang mga suspek na sina Jerome Bang Gaan, Jorex Manlangan, Steve Allan, Mayonado Calibay, Jomar Cariaman at John Onsilag na pawang residente ng Barangay Tapak Proper, Paquibato District.

August 29, 2019 nang matagpuan ang mga labi ng bata na hubo’t hubad sa madamong bahagi ng Barangay Tapak at kumpirmadong ginahasa bago pinatay.